Scholia in Lucianum

Μελέτη μεταληπτική, λέγοντος τοῦ φεύγοντος ἔξεστί μοι ποιῆσαι τόδε. ~ Κ

τέχνη δύναται κτλ.] σημείωσαι. ~ Γ

τοῦ θεραπεύσαντος κτλ.] ὡραῖον. ~ Γ

τῶν ἐμῶν — καὶ τὸ φαίνεσθαι] ὡραῖον ὅλον. ~ Γ

ἀρχὴν ταῦτα κτλ.] ὡραῖον. ~ Γ

ἀκροβολισμόν*] ἐρεθισμόν. καὶ ἀκροβόλοι οἱ τοξόται. ~ Δ

φιλοκρινούντων*] διακρινόντων, δοκιμαζόντων περιέργως. ~ Δ

τοῖς κεκρατημένοις κτλ.] ὡραῖον. ~ ΓVU

ἀλλ’ εὐθύς τινος κτλ.] ὡραῖον. ~ Γ

παράλογον λέγουσιν ἀρσενικῶς οἵ τ’ ἄλλοι καὶ μάλιστα Θουκυδίδης, τὸ παράδοξον καὶ ὃ οὐκ ἄν τις προσδοκήσῃ, οἷον [1, 78] τοῦ πολέμου τὸν παράλογον καὶ [cf. 2, 85] ὅτι ἐγένετο πολὺς παράλογος. παραλόγως δὲ τὸ ἀνέλπιστον λέγει καὶ παρὰ προσδοκίαν. ~ Δ

ἐπιπόλαιον*] τὸ πρὸς ὀλίγον φαινόμενον. ~ Δ

ὑποικουροῦν λεληθός τι μῖσος, ἀντὶ τοῦ ὑποτρεφόμενον καὶ ἐνδομυχοῦν. ~ Δ