Scholia in Iliadem

406. ὣς ἄρα—ἐρυγόντα] πρὸς τὴν ἐπανάληψιν τοῦ “ἤρυγεν” (404) τὸ σημεῖον.

ἐρυγόντα] παροξυτονητέον τὴν μετοχήν· β´ γάρ ἐστιν ἀόριστος, [*](A +) ὡς ἐδήλωσε τὸ “ἤρυγεν ἑλκόμενος” (404).

410. πόδεσ〈σ〉ι δὲ πάντας ἐνίκα] τοὺς νόθους· ὁ γὰρ Πολίτης [*](B=) “σκοπὸς ἷζε ποδωκ〈ε〉ίῃσι πεποιθώς” (Il. 2. 792). ἐπινοεῖ δὲ ἑκάστῳ τὸ πρὸς διήγησιν ἡδύ.

411. ποδῶν ἀρετὴν ἀναφαίνων] τὸ πλεονέκτημά φησιν ἀνέπεισεν [*](B=) αὐτὸν ἀντιστῆναι Ἀχιλλεῖ ἐλπίσαντα ταχέως ἀναφεύξεσθαι.

414. νῶτα παραΐσσοντος] παρακλίνοντος τὰ νῶτα.

〈παρ〉αΐσσοντα] σύντομος ὁ λόγος τοῦ πρὸς τιμωρίαν σπεύδοντος, καίτοι πρὸς Αἰνείαν πλείους ἀποτέταται λόγους.

ὅθι ζωστῆρος ὀχῆες] ἢ διʼ ὅλου κρίκοις συνέχεσθαι τὸν ζωστῆρα [*](B=) πρὸς τὸν θώρακα νοητέον, ἢ καθʼ ὑπερβατὸν ἐκδεκτέον, “ἀντικρὺ δὲ διέσχε παρʼ ὀμφαλόν, ὅθι ζωστῆρος ὀχῆες χρύσειοι σύνεχον.ʼ