Scholia in Euripidis Phoenissas (scholia vetera et scholia recentiora Thomae Magistri, Triclinii, Moschopuli et anonyma)
Scholia in Euripidem
Scholia Euripidem. Scholia Graeca in Euripidis Tragoedias, Vol. 3. Dindorf, Wilhelm, editor. Oxford: Oxford University Press, 1863.
τίς Ἑλλάς: τίς Ἑλληνικὴ, ἢ βάρβαρος δηλονότι γυνή. Ἄλλως. τίς, φησὶν, Ἑλλήνων ἢ βαρβάρων, ἢ τῶν ἀνέκαθεν ἀνδρῶν ὑπέμεινε κακῶν τοσούτων πλῆθος καὶ λύπας ἐπὶ ἀνθρωπίνῳ σώματι· τὸ γὰρ ἁμερίου ἀντὶ τοῦ ἀνθρωπείου γένους. A.B.C. M.I. γρ. τίς ἕλλην. C.
τίς Ἑλλάς: τίς ἀπὸ τοῦ ἁμερίου αἵματος, ἤγουν τίς τῶν ἀνθρώπων, ἢ Ἕλλην, ἢ βάρβαρος, ἢ τίς ἀπὸ τῶν πάροιθεν εὐγενῶν ἕτερος ἔτλη καὶ ὑπέμεινε τοιαῦτα φανερὰ κακὰ καὶ διάδηλα πᾶσιν ἄχεα κακῶν τοσούτων, ὥσπερ ἐλελίξῃ καὶ θρηνήσεις, ὦ τάλαινα σύ. Gu. Bar.
1510.
ἢ τῶν πάροιθεν: ἀπὸ κοινοῦ τὸ τίς, ἢ τίς τῶν πάροιθεν εὐγενετᾶν. B.C.M.I.