Scholia in Euripidis Phoenissas (scholia vetera et scholia recentiora Thomae Magistri, Triclinii, Moschopuli et anonyma)

1095.

ἐφέδρους

: ἔφεδροι λέγονται οἱ τῶν ἐν τῷ πολέμῳ πιπτόντων ἀναπληροῦντες τὰς ἑαυτῶν τάξεις. M. ἀντιπάλους, ἀνταγωνιστάς. M. ἐπικαθεζομένους ἄλλους ἐποίησεν, ὅπως βοηθήσωσι τοῖς ἀσθενεστέροις. C. ἀντιπάλους, ἀγωνιστὰς ἐπικαθεζομένους ἀντιτάττεσθαι, εἰ ἐπικρατοίη τὸ ἀντίπαλον μέρος. B. Gr. I. ἔφεδρος γὰρ ὁ εὐτρεπισμένος, δύο τινῶν παλαιόντων, παλαίειν τῷ νικήσαντι. Gr. Leid. Cant. ἔταξε δὲ καὶ ἐφέδρους ἑτέρους, ἱππότας καὶ πεζοὺς ὡπλισμένους πρὸς τοὺς ἐν ταῖς πύλαις ἱσταμένους ἱππότας καὶ πεζοὺς, ἵνα ὦσι βοήθεια καὶ δύναμις τούτοις, εἴποτε κάμοιεν πολεμοῦντες. ἐγγὺς γὰρ ὄντες τούτοις τάχιστα καὶ δι’ ὀλίγου ἐβοήθουν ἂν ὁρμώμενοι. ἔφεδρος γάρ ἐστιν, ὅταν τινῶν παλαιόντων ἕτερός τις ἀναμένῃ τὸν νικήσαντα παλαίσειν. Bar. Gu. ἐπαλλήλους τούτους ἔταξεν, ἵνα, φησὶν, εἴη τοῖς νοσοῦσι τείχεσι πολέμου βοήθεια ἐγγύς. Gr. Cant. Fl. 5. 6. 9. 21. 56. 59. 76.

ἱππότας μὲν ἱππόταις

: ἐφ’ ἱππόταις. ἡ ἐπί ἀπὸ κοινοῦ. Gu. Florr. iidem.