Scholia in Euripidis Orestem (scholia vetera et scholia recentiora Thomae Magistri, Triclinii, Moschopuli et anonyma)

966.

σίδαρον — κούριμον

: θρηνείτω δὲ ἡ γῆ ἡ Κυκλωπία, ἤγουν τὸ Ἄργος, τὰ πήματα τῶν οἴκων τῶν Ἀτρειδῶν. σίδηρον κουρεύσιμον ἐπὶ κάρα τιθεῖσα, τουτέστι ξυρῷ κειραμένη τὴν κεφάλην. Gr. συνθρηνείτωσαν καὶ αἱ Μυκηνίδες ἀποκειράμεναι ἐπὶ τῷ πένθει. Gu.

κούριμον

: κουρευτικόν. I. κουρεύσιμον, κοπτικόν. Gu. ψαλίδιον. Fl. 21. 33.

967.

τῶν Ἀτρειδῶν πήματ’

: διὰ τὰ πήματα τῶν Ἀτρειδῶν ἐλεεινοὶ, φησὶ, καὶ οἰκτροὶ τὴν τύχην ἡμεῖς οἱ μέλλοντες θανεῖσθαι ὅσον οὐδέπω κληθησόμεθα, παῖδες ὄντες τῶν ἐν Ἑλλάδι ποτὲ διαπρεψάντων κατὰ τὴν βασιλείαν. A. B.C.M.I.

Τὸ Ἀτρειδῶν πρὸς τὸ στρατηλατῶν Ἑλλάδος ποτ’ ὄντων σύναπτε, τὸ δὲ ἔλεος ἔλεος ὅδ’ ἔρχεται τῶν θανουμένων ὑπερ διὰ μέσου λάμβανε. ἢ σύναπτε τὸ θανουμένων πρὸς τὸ στρατηλατῶν, οὐχ ὅτι Ὀρέστης καὶ Ἠλέκτρα, οἱ μέλλοντες ἀποθανεῖσθαι, στρατηλάται ἦσαν καὶ τῆς Ἑλλάδος, ἀλλ’ ὅτι ἡ τοῦ πατρὸς αὐτῶν τιμὴ αὐτῶν ἐστι. κρεῖττον δέ ἐστι τὸ πρῶτον. Gu. μὴ λάβῃς εἰς τὸ πήματα ἔξωθεν διά, ἀλλ’ ἔστι πρὸς τὸ ἰαχείτω. Gu.