Scholia in Euripidis Orestem (scholia vetera et scholia recentiora Thomae Magistri, Triclinii, Moschopuli et anonyma)
Scholia in Euripidem
Scholia Euripidem. Scholia Graeca in Euripidis Tragoedias, Vol. 2. Dindorf, Wilhelm, editor. Oxford: Oxford University Press, 1863.
784.
καὶ τίς ἄν γέ μ’ οἰκτίσειε: ἀντὶ τοῦ οἰκτίσαιτο. Gr. τὸ ἑξῆς, καὶ τίς ἄν γέ μ’ οἰκτίσαιτο θάνατον ἀσχάλλων πατρῷον, ἤγουν τὸν τοῦ ἐμοῦ πατρός. τὸ μέγα γὰρ ηὑγένειά σου διὰ μέσου κεῖ ται. Gr. I.
μέγα γὰρ ηὑγένειά σου: οἷον, ἡ εὐγένεια καὶ τὸ ἀπελθεῖν εἰς τὸ κριτήριον εὐθαρσῶς καὶ ὁ θάνατος τοῦ πατρός. ταῦτα πάντα παρὰ τῶν Ἑλλήνων γινώσκονται πρὸ ὀφθαλμῶν ὄντα καὶ ἐλπίδας ἀγαθὰς ὑποτίθεται. B. οἷον διὰ τὸ εὐγενὲς ἐλεηθήσῃ, τουτέστι, πάνυ σοι συμβάλλεται πρὸς τὸν ἔλεον ἡ εὐγένεια. A. B.M.I.
785.
θάνατον ἀσχάλλων πατρῷον: λείπει ἡ διά, διὰ τὸν θάνατον. A. B. M. ἔπραξα, φησὶ, τὸν μητρῷον φόνον
ἀσχάλλων διὰ τὸν θάνατον τοῦ πατρός. B.I. τὸ δὲ ἑξῆς, καὶ τίς ἄν με οἰκτίσειεν ἀσχάλλων διὰ τὸν τοῦ πατρὸς θάνατον; A. B.M.I.
ἀσχάλλων: ἀγανακτῶν. Gr. λυπούμενος. Gu. τὸ θάνατον ἀσχάλλων πατρῷον πρὸς τὸ τίς ἄν γέ μ’ οἰκτίσειε συνάπτεται, ἔτεμε δὲ ὁ Πυλάδης τὸν λόγον διὰ τοῦ μέγα γὰρ ηὑγένειά σου. Gu.
πάντα: πάντα ταῦτα προφανῇ εἰσι. I.
ἐν ὄμμασιν: ἐν τῷ φανερῷ, ἤγουν προφανῆ εἰσιν. Gr. Fl. 6. 9. 17. 21. 56. 59. 76. πάντα ταῦτα ἴσασιν οἱ Ἕλληνες καὶ πρὸ ὀφθαλμῶν εἰσιν. M. πρὸ τῶν ὀμμάτων εἰσὶ καὶ ἴσασιν αὐτὰ οἱ Ἕλληνες. Fl. 10. ἤγουν ἡ σὴ εὐγένεια καὶ ὁ τοῦ πατρὸς φόνος φανερά εἰσι τοῖς Ἀργείοις τῶν δικαστῶν. Gu.
786.
ἰτέον: πορευτέον. M. ἄξιον ἀπελθεῖν, ὅτι δειλόν ἐστι ἀδόξως ἀποθανεῖν. I.