Scholia in Euripidis Orestem (scholia vetera et scholia recentiora Thomae Magistri, Triclinii, Moschopuli et anonyma)

Scholia in Euripidem

Scholia Euripidem. Scholia Graeca in Euripidis Tragoedias, Vol. 2. Dindorf, Wilhelm, editor. Oxford: Oxford University Press, 1863.

633.
διπλῆς — ὁδούς: βοηθῆσαι ἢ μή. Gu. διπτύχους ἤγουν διπλᾶς· οἱ γὰρ ἀμφιβάλλοντες ἀμφιρεπεῖς εἰσι, ζητοῦντες ὅπη ἂν τράπωνται. Gu. διγνώμονας. B.
634.
συννοούμενος: συλλογιζόμενος. Gr. Fl. 6. 9. 17. 21. 56. 59. 76. σκεπτόμενος. Gu.
635.
ἀμηχανῶ: ποῦ τῆς τύχης τράπωμαι, τουτέστιν ἀπορῶ πότερόν σοι συνέλθω ἠ Τυνδάρεῳ. A. B. M. I. ποῦ τῆς τύχης τράπωμαι, τουτέστιν ἀπορῶ τίνι μᾶλλον βοηθήσαιμι, σοὶ ἢ Τυνδάρεῳ. ὁ μὲν γὰρ οὐκ ἐᾷ με σοὶ προσθέσθαι δεινὰ ἐπαπειλούμενος, σὺ δὲ ἀδελφιδοῦς ἐμὸς ὤν ἀναγκαίως δίκαιος εἴης τῆς παρ’ ἐμοῦ τυχεῖν βοηθείας. Gu. I. ἀμηχανῶ εἰς ὁποίαν τύχην τράπωμαι. τύχην ἐνταῦθα λέγει προσδοκωμένην, τουτέστιν ἀμηχανῶ ποτέραν μερίδα τῶν προσδοκωμένων συμβήσεσθαι προτιμήσω. Gr. I.