Scholia in Euripidis Orestem (scholia vetera et scholia recentiora Thomae Magistri, Triclinii, Moschopuli et anonyma)

621.

ἕως ὑφῆψε

: ἐπεὶ μεταφορᾷ χρώμενος εἶπεν ὑφῆψε δῶμα, οἷον ἀπώλεσεν, ἐπήνεγκεν ἀνηφαίστῳ πυρὶ, δηλονότι ἄνευ πυρὸς διέφθειρε τὸν οἶκον. A.B.M.I.

ἀνηφαίστῳ

: τῷ ὕλην μὴ ἔχοντι. B.I. πυρὶ εἰπὼν ἐπάγει ἀνηφαίστῳ, ἵνα δηλώσῃ ὅτι οὐ τοῦτο λέγει τὸ πῦρ, τὸ τὰ ξύλα καὶ τὴν ὕλην ἀναλίσκον, ἀλλ’ ἕτερον μέν τι, ὁμοίως δὲ τούτῳ φθαρτικὸν καὶ ἀναλωτικόν. Gr. I. Ἄλλως. ἐπεὶ τὸ ὑφῆψεν εἶπεν ἀντὶ τοῦ ἀπώλεσεν, προσέθηκεν εἰκότως καὶ τὸ δίχα πυρός. B.M.I.

ὑφῆψε

: ἔκαυσεν, ἠφάνισεν. Gu.

ἀνηφαίστῳ πυρί

: τουτέστιν ἐν συμφορᾷ. Gr. Fl. 6. 9. 17. 21. 56. 76. τοῦτο γὰρ ἀνέτρεχε τὸν οἶκον τῶν ἐνοικούντων ἀθλίως φονευθέντων. Gu. τὸ λέχος τοῦ Αἰγίσθου καλεῖ ἀνήφαιστον πῦρ, ὡς τῇ δυνάμει ἴσον κατεργασάμενον· ἀναλωτικώτερον γὰρ τῶν ἄλλων τὸ πῦρ. Fl. 59.