Scholia in Euripidis Orestem (scholia vetera et scholia recentiora Thomae Magistri, Triclinii, Moschopuli et anonyma)
Scholia in Euripidem
Scholia Euripidem. Scholia Graeca in Euripidis Tragoedias, Vol. 2. Dindorf, Wilhelm, editor. Oxford: Oxford University Press, 1863.
46.
ἔδοξε δ’ Ἄργει: φανερὸν ὅτι ἐν Ἄργει ἡ σκηνή τοῦ δράματος ὑπόκειται. A.B.M. I. Ὅμηρος δὲ ἐν Μυκήναις φησὶν εἶναι τὰ βασίλεια τοῦ Ἀγαμέμνονος, Στησίχορος δὲ καὶ Σιμωνίδης ἐν Λακεδαιμονίᾳ. A.B.I.
μὴ πυρὶ δέχεσθαι: τὸ ἑξῆς, ἔδοξε δ’ Ἄργει τῷδε μήθ’ ἡμᾶς στέγαις δέχεσθαι. πρὸς δὲ τὸ πῦρ οὐδὲν ἀνταπέδωκεν· ἔξωθεν οὖν προσυπακουστέον τὸ ἐναύειν. καὶ ἔστι σχῆμα Ἀττικὸν, μὴ πυρὶ ἐναύειν, ἀντὶ τοῦ μήτε πυρὸς ἐναύειν. οὐ γὰρ τὸ δέχεσθαι πρὸς τὸ πῦρ ληπτέον. A. B. M.I.
ἔδοξε δ’ Ἄργει: ἀπὸ τοῦ περιέχοντος τὸ περιέχομενον. B. ἔδοξε δὲ τῷ Ἄργει, ἤγουν τῷ λαῷ, μήτε δέχεσθαι ἡμᾶς ἐν ταῖς στέγαις καὶ ἐν τοῖς οἴκοις μητροκτονοῦντας καὶ φονεύσαντας τὴν μητέρα, μήτε δέχεσθαι ἐν πυρὶ, ἤγουν ἐν ταῖς θυσίαις, μήτε προσλαλεῖν ἡμᾶς τινά. Fl. 59.
ἔδοξε: ἐκυρώθη. Gr. ἐκρίθη, ἐτυπώθη, ἀρεστὸν, ἐφάνη. Gu.