Scholia in Euripidis Orestem (scholia vetera et scholia recentiora Thomae Magistri, Triclinii, Moschopuli et anonyma)

434.

οὔκουν μετῆν μοι

: οὐ μετουσία ἦν μοι τοῦ φόνου, ἤγουν οὐ μετεῖχον, οὐκ ἐκοινώνουν. Gr. I. διὰ τριῶν δέ τινων ἀπόλλυμαι καὶ ἔφθαρμαι. I.

διὰ τριῶν

: πρῶτον τῶν πολιτῶν, δεύτερον Οἴακος. διὸ ἐπάγει, τίς δ’ ἄλλος, ἵνα πληρώσῃ τοὺς τρεῖς. τινὲς δὲ τριῶν φασι τῶν Ἐρινύων· ―προεῖπε γὰρ ἔδοξ’ ἰδεῖν τρεῖς νυκτὶ προσφερεῖς κόρας.― τινὲς δέ φασι τῆς συνέσεως, τῆς λύπης καὶ τῆς μανίας. A. B.C. M.I. ἐν δὲ τοῖς Καλλιστράτου γέγραπται· ἐπιζητήσειεν ἄν τις πῶς διὰ τριῶν εἴρηκεν, εἰ μὴ διὰ τὸ τὸν Ἀγαμέμνονα καὶ Ὀδυσσέα καὶ Διομήδη φάναι μετασχεῖν τοῦ φόνου Παλαμήδους. B.M.I.

διὰ τριῶν

: ἀντὶ τοῦ διὰ πολλῶν. (M.) ἄλλως γὰρ νοεῖσθαι οὐ δύναται. Fl. 21. τινὲς τῶν Ἐριννύων, ἢ τῆς συνέσεως, τῆς λύπης καὶ τῆς μανίας, ἢ Ἀγαμέμνονος, Ὀδυσσέως καὶ Διομήδους. Gu.