Scholia in Euripidis Orestem (scholia vetera et scholia recentiora Thomae Magistri, Triclinii, Moschopuli et anonyma)

425.

πατρός

: τοῦ πατρὸς δὲ ἡ τιμωρία καὶ ἡ ἐκδίκησις κατὰ τί ὠφελεῖ σε; I. ἐν ἐρωτήσει ὁ λόγος, ὠφελεῖ τί σε ἡ εἰς τὸν πατέρα γενομένη ἐκδίκησις; ἢ οὕτως, οὐ προέστη σου ὁ πατὴρ, ὥστε ἀποσοβῆσαι τὰς Ἐρινύας; B.I. τῆς ἀναιρέσεως τοῦ πατρὸς, τὸ τιμωρίαν σε λαμβάνοντα φονεῦσαι τὴν μητέρα, τίς δύναται συνάρασθαί σοι πρὸς τὸ μηδὲν παθεῖν, ὡς φονέα; A.B. M.I.

πατρὸς δὲ δὴ τί σ’ ὠφελεῖ τιμωρία

: οἱ Ἀττικοὶ προπαροξύνουσι μόνον τοῦτο, τιμωρία. τὸ δέ τις ἄμεινον βαρύνειν δὴ τίς. Fl. 21.