Scholia in Euripidis Orestem (scholia vetera et scholia recentiora Thomae Magistri, Triclinii, Moschopuli et anonyma)

τὸ θεῖον δ’ ἐστὶ τοιοῦτον φύσει

: ἤγουν μέλλει ἀεὶ τὸ θεῖον, ὀκνηρόν ἐστι πρὸς τὰς ἀμοιβὰς, γυμνάζον ἡμῶν τὴν διάνοιαν. C.

421.

πόσον

: ἐπὶ πόσον δὲ χρόνον οἴχονται, καὶ ἐφθαρμέναι εἰσὶν, αἱ πνοαὶ, ἤτοι αἱ ζωτικαὶ δυνάμεις καὶ ἐνέργειαι, τῆς μητρός; I.

πόσον χρόνον δὲ μητρός

: ἐχρῆν εἰπεῖν πόσῳ χρόνῳ. τὸ μητρός κακοήθως καὶ δυσωπητικῶς. καὶ διὰ τοῦ εἰπεῖν δὲ ὡς ταχὺ μετῆλθόν σε ἐλέγχει αὐτὸν ὡς ἀθεεὶ πεπραχότα τὸν φόνον, ὅπου γε αἱ μὲν Ἐρινύες εὐθέως τῇ μητρὶ συνεμάχησαν, ὁ δὲ Ἀπόλλων ἀναβάλλεται τὴν συμμαχίαν. ἢ ἀνθυποφορά ἐστι τοῦ εἰρημένου ὑπὸ Ὀρέστου, τὸ θεῖόν ἐστι τοιοῦτον φύσει. A. B.C.M.I.

422.

ἕκτον τόδ’ ἦμαρ

: ἤτοι ἓξ ἡμέραι εἰσὶν, ἐξ οὗ ἐφθάρησαν δηλονότι, ἔτι ἡ πυρὰ τοῦ τάφου θερμὴ, ἤτοι ὁ τόπος ἐν ᾧ ἐκάη τὸ σῶμα. I.