Scholia in Euripidis Orestem (scholia vetera et scholia recentiora Thomae Magistri, Triclinii, Moschopuli et anonyma)

417.

ἀμαθέστερός γ’ ὤν

: ἐν ἤθει ὁ λόγος. B. ἀμαθής. B. Gr. ἀντὶ τοῦ ἀμαθής ἐστι. M. εἰ τοῦτο ἐκέλευσεν, ἀμαθής ἐστιν· ἵν’ ἐκ τοῦ ἐναντίου δηλώσῃ ὅτι οὐκ ἐκέλευσεν ὁ θεός· οὐ γάρ ἐστιν ὁ θεὸς ἀμαθής. Ἄλλως. μετὰ συλλογισμοῦ τοῦτο εἴρηκεν· εἰ γὰρ οὐκ ἀμαθὴς ὁ θεὸς, δῆλον ὅτι οὐδὲ προσέταξε τοῦτο ποιεῖν. A.B.C. M.I. θέλει ἐνταῦθα δεῖξαι ὁ Μενέλαος τῷ Ὀρέστῃ ὅτι οὐχ ὁ Ἀπόλλων προσέταξεν αὐτῷ τὸν τῆς μητρὸς φόνον, ἀλλ’ οἴκοθεν ἐργασάμενος τοῦτον, ἐπειδὴ δυστυχεῖ, προβάλλεται τὸν Ἀπόλλωνα. ἐδήλωσε δὲ τοῦτο διὰ τοῦ εἰπεῖν ἀμαθέστερος ὤν. πρὸς ὃ Ὀρέστης ἀπαντᾷ λέγων, ὑποτασσόμεθα τοῖς θεοῖς ὅ τι περ ἄρα εἰσὶν, εἴτε ἀμαθεῖς, εἴτε μή. Gu. I.

τῆς δίκης

: τῆς δικαιοσύνης, εἰ τοῦτο ἐκέλευσεν. Gu.