Scholia in Euripidis Orestem (scholia vetera et scholia recentiora Thomae Magistri, Triclinii, Moschopuli et anonyma)

352.

ὦ χιλιόναυν

: ἀπὸ τούτων αὐτὸν ἐγκωμιάζει ἀφ’ ὧν ἐμεγαλύνετο. τῷ δὲ ἀπηρτισμένῳ ἀριθμῷ ἐχρήσατο· τοσαῦται γὰρ ἦσαν αἱ νῆες τῶν Ἑλλήνων, χίλιαι πρὸς ταῖς ρπϛ′. A.C.M. I. δι’ ὧν δοκεῖ αὐτὸν ἐπαινεῖν, διὰ τούτων λυπεῖ, ἀναμιμνήσκουσα τῶν ἀπολλυμένων ἐν τῇ Τροίᾳ. A.B. C.M.I. τὸ δὲ θεόθεν πράξας ἅπερ ηὔχου προσέθηκεν, ἐπειδὴ τὸν πόλεμον κατορθώσας ἔλαβε τὴν Ἑλένην. σὺ οὖν, φησὶν, εὐτυχῶς ἀπηλλάχθης, ὁ δὲ Ὀρέστης δυστυχεῖ. B. M. I. σὺ μὲν οὐ μετέχεις, φησὶ, τῆς δυστυχίας τῶν Τανταλιδῶν. B.M.I.

ὁρμήσας

: παρορμήσας, κινήσας. Gr. Fl. 6. 9. 17. 21. 56. 59. 76. ἐλλιμενίσας. Gu.