Scholia in Euripidis Orestem (scholia vetera et scholia recentiora Thomae Magistri, Triclinii, Moschopuli et anonyma)

224.

ἄφελε προσώπου

: τουτέστιν ἀποδιάστησον τὴν ἔμπροσθεν οὖσαν τῶν ὀφθαλμῶν μου κόμην· ἀσθενῆ γὰρ λεύσσω ταῖς κόραις διὰ τὸ ἐπικεῖσθαί μοι τὰς τρίχας. γράφεται καὶ, λεπτὰ γὰρ λεύσσω νόσῳ, ἵν’ ᾖ, ἡ νόσος με ποιεῖ λεπτὸν λεύσσειν. A. B.C.M. I.

225.

ὦ βοστρύχων

: ὦ κάρα ἄθλιον πινῶδες τῶν βοστρύχων, ἀντιστρόφως ἀντὶ τοῦ, ὦ βόστρυχοι κάρας ἀθλίας πινώδους καὶ ῥυπαρᾶς, λίαν ἠγριωμένοι ἐστὲ (πρὸς τὸ βόστρυχοι) διὰ τῆς μακρᾶς ἀλουσίας. I.

πινῶδες ἄθλιον

: ἀντὶ τοῦ αὐχμηρὸν καὶ ῥυπῶδες. πίνος γὰρ ὁ ῥύπος· πίνῳ δέ οἱ αὐαλέος χρὼς ἐσκλήκει. B.M.I. κατὰ ἀναστροφὴν εἶπεν· οὐ γὰρ ἔστι τῶν βοστρύχων τὸ κάρα, ἀλλὰ τοῦ κάρα οἱ βόστρυχοι. ἢ ὅτι οὐδὲν ἄλλο ἐπιλείπεται τῇ κεφαλῇ ἢ μόνον οἱ βόστρυχοι, ἵν’ ᾖ, ὦ τῶν βοστρύχων ἄθλιον κάρα. παρακα θίσασα δὲ ἔξωθεν εἰς πλευρὰν καὶ ἁψαμένη τῶν τριχῶν ταῦτά φησι πρὸς τὸν Ὀρέστην. A.B.C. M.I.