Scholia in Euripidis Orestem (scholia vetera et scholia recentiora Thomae Magistri, Triclinii, Moschopuli et anonyma)
Scholia in Euripidem
Scholia Euripidem. Scholia Graeca in Euripidis Tragoedias, Vol. 2. Dindorf, Wilhelm, editor. Oxford: Oxford University Press, 1863.
1680.
κἀγὼ τοιοῦτος: οὕτω διάκειμαι. Gr. Fl. 6. 9. 17. 21. 56. 59. 76. καταπειθής. Gu.
σπένδομαι: φιλιοῦμαι ταῖς συμφοραῖς σου, Μενέλαε, καὶ τοῖς σοῖς, ὦ Ἄπολλον, προστάγμασι. I.
σπένδομαι συμφοραῖς: λείπει ἡ ἐπί, ἐπὶ συμφοραῖς. Α.Β.Μ. σπένδομαι, φησὶ φιλίαν πρὸς σὲ, ὦ Μενέλαε, ἐπὶ συμφοραῖς, τουτέστι μετὰ τὰς συμφορὰς καὶ τὰς ἀτυχίας, καὶ τοῖς σοῖς, ὦ Ἄπολλον, πείθομαι κελεύσμασι. Α.Β. Μ.Ι.
τὸ σπένδομαι συμφοραῖς σαῖς τοῦτο λέγει, ἀντὶ τοῦ φιλίως καὶ ἀποδεκτῶς τὸ συμβὰν δέχομαι· ἢ οὕτω, σπένδομαι καὶ φιλιοῦμαί σοι, ὦ Μενέλαε, ἐν σαῖς συμφοραῖς καὶ συνελεύσεσιν, ἤγουν συνεῖναί σοι θέλω καὶ συνομιλεῖν· ἢ οὕτω, σπένδομαι καὶ φιλιοῦμαι, ὦ Μενέλαε, ταῖς σαῖς συμφοραῖς, ἤγουν ταῖς κατὰ σοῦ αἰτίαις, τουτέστι, πρώην μισῶν σε κακὸν εἰς έμὲ φανέντα, νῦν παύω τὸ μῖσος. Bar. Gu. ἢ σπένδομαι σοὶ ἐν ταῖς συμφοραῖς καὶ συνελεύσεσι τοῦ Ἀπόλλωνος· ἢ σπένδομαι σοὶ ἐν συμφοραῖς καὶ συνελεύσεσιν, ἤγουν φιλίαν ποιῶ πρὸς σὲ καὶ συνέρχομαι· ἢ σπένδομαι καὶ ἵλεως γίνομαι ταῖς συμφοραῖς καὶ δυστυχίαις ταῖς σαῖς. Gu.
σπένδομαι: διαλλάττομαι. Gr. Florr. omnes.
συμφοραῖς: ἐπί. Gr. συμβάμασι, συνελεύσεσιν ἢ ταῖς κατὰ σοῦ αἰτίαις. Gu. ἤγουν ἐπὶ ταῖς ἐμαῖς δυστυχίαις. Fl. 59.