Scholia in Euripidis Orestem (scholia vetera et scholia recentiora Thomae Magistri, Triclinii, Moschopuli et anonyma)

167.

σὺ γάρ νιν, ὦ τάλαινα, θωΰξασ’

: σὺ γὰρ ἀγρίως βοήσασα ἐξέβαλες τοῦ ὕπνου αὐτόν. τὸ γὰρ ὦ τάλας γεγωνότερον εἶπεν ὁ χορός. B.I.

θωΰξασ’

: θηριώδει βοῇ χρησαμένη. καὶ ἴσως εἴρηται παρὰ τοὺς θῶας. τινὲς δέ φασιν ὅτι φωνῇ θρηνώδει ἐχρήσατο ὁ χορὸς γραφῆναι μὴ δυναμένῃ, ἰυγμῷ ἢ καὶ ἰυγμοῦ τραχυτέρᾳ, ὅπερ εἰώθασι ποιεῖν αἱ γυναῖκες ἐπὶ τοῖς ὑπερβάλλουσι κακοῖς· ἃ γὰρ μὴ δύναται γράφεσθαι, ταῦτα δι’ ἑτέρων προσώπων δηλοῦται· οἷόν τι καὶ παρὰ τῷ κωμικῷ οἰκέτου στενάξαντος ἑτερός φησιν ἀκούεις, ὡς στένει; BM.I.

θωΰξασ’

: ἀγρίως (μεγάλως Gu.) βοήσασα. Gr.

ἔβαλες

: ἤγουν ἐξύπνισας αὐτὸν, εἰποῦσα τὸ ὦ τάλας. Fl. 59. ἐλάσασα. M. φωνήσασα. C. ἀπὸ τοῦ σὺ γάρ νιν ἕως τοῦ θωΰξασα ἡ Ἠλέκτρα. B. M. τὸ γὰρ ὦ τάλας γεγωνότερον εἶπεν ὁ χορὸς θηριώδει φωνῇ καὶ ἀσήμῳ χρησάμενος. Α.

ἔβαλες ἐξ ὕπνου

: ἡ ἐξ πρόθεσις πρὸς τὸ ἔβαλες. ἐξέβαλες δὲ ἀντὶ τοῦ ἐξήγειρας. M.