Scholia in Euripidis Orestem (scholia vetera et scholia recentiora Thomae Magistri, Triclinii, Moschopuli et anonyma)

1371.

κεδρωτὰ παστάδων τέρεμνα

: τὰ ἐκ κέδρον ξύλα. παστάδων δὲ τῶν κοιτώνων. τέρεμνα δὲ τὰς ὑψηλὰς στέγας. φαίνεται δὲ ἐκ τούτων ὑπερπεπηδηκὼς τὰς ὑψηλὰς στέγας. Ἄλλως. ἀντὶ τοῦ ὑπὲρ τεράμνων. ταῦτα οὗτός φησιν ὡς ὑπερπεπηδηκὼς τῶν ἔσω τινὸς οἴκων. παστάδων γὰρ τῶν θαλάμων. Αἰσχίνης δὲ τὴν ὑπέρ ἀντὶ τῆς πρό φησιν, ἵν’ ᾖ ἀντὶ τοῦ πρὸ τεράμνων. τριγλύφους δὲ, ἐπεὶ παρὰ Δωριεῦσι γλυφή τις ἦν ἢ ἐκαλεῖτο τρίγλυφος, ἢ ὡς τῶν Δωριέων καταδειξάντων τὰς γλυφὰς τῶν ὀρόφων. B.M.I.

κεδρωτά

: ὑπὲρ τὰς ὑψηλὰς στέγας τῶν παστάδων τὰς ἐκ κέδρου κατεσκευασμένας. Cant.

τέρεμνα

: στεγάσματα. τέρεμνον κυρίως τὸ ἄκρον. Gu.