Anthologiarum libri
Vettius Valens
Vettius Valens. Anthologiarum libri. Kroll, Wilhelm, editor. Berlin: Weidmann, 1908.
Ζεὺς Ἄρεῖ τετράγωνος, ἐὰν ὁ μὲν ὡροσκοπῇ ὁ δὲ μεσουρανῇ ἢ ἀγαθοδαιμονῇ, ἰσχυρόν· ἰσχυρότερον γὰρ τοῦ τριγώνου τὸ σχῆμα τοῦτο γενήσεται, μάλιστα εἰ μέσον τροπικὸν εἴη. ἐν δὲ τῷ αὐτῷ ζῳδίῳ παρόντες ἰσχυρότερα σθένουσι· τῷ γὰρ τριγώνῳ τὰ αὐτὰ καὶ τετράγωνοι ἀποτελοῦσιν, ἀλλὰ μετά κινδύνων καὶ ἐναντιώσεων. διάμετροι δὲ ἐν τοῖς ἀχρηματίστοις ζῳδίοις χαλεπώτεροι γίνονται· ἐὰν γὰρ ἐπί τινα ἡγεμονίαν τὰ λοιπὰ τῆς γενέσεως πράγματα τὸν γεννώμενον ἄγῃ, μεγάλοις περιπεσεῖται κινδύνοις καὶ ὑπὸ ἰδίων καὶ ὑπὸ ἐχθρῶν προδοθήσεται. εἰ δὲ μήτε οἰκοδεσποτῇ ἀστὴρ μήτε δεσπόζῃ τις αὐτῶν ἢ συνοικοδεσποτῇ, μέτριος ἡ τῶν τριγώνων στάσις· γίνονται γὰρ στρατιωτικοί· εἰ δὲ καὶ ἐκ τῶν ἄλλων ἀστέρων μέγεθος ἀξιώματος ὑποφαίνηται συνεργὸν αὐτοῖς ἢ παρασυνεργὸν ἐχόντων δύναμιν, προσθήσουσι τῇ δόξῃ· ποιοῦσι γὰρ ἄρχοντας πόλεων καὶ ἐπὶ δικαστηρίου καθεζομένους· εἰ δὲ καὶ τὸ διάθεμα στρατιωτικὸν ᾖ ἔκ τε Ἡλίου καὶ Σελήνης καὶ Κρόνου, δεκαδάρχας ἢ ἑκατοντάρχας τινὸς βραχέος στρατεύματος καὶ πόλεως· εἰ δὲ ταπεινὸν εἴη τὸ διάθεμα ἔκ τε Ἡλίου καὶ Σελήνης καὶ τῶν λοιπῶν ἀστέρων ἢ τρίγωνοι αὐτῶν ὅ τε τοῦ Ἄρεως καὶ ὁ τοῦ Διός, ταπεινοὺς ἀποτελεῖ τοὺς γεννωμένους, δούλους στρατευομένων [*](2 γενόμενοι S] τυγχάνουσι M συμβαίνει S 3 κάτοπτα τοῖς] κατόπτροις MS γινομένοις S 4 αὐτοσχεδιασταὶ Raderm.] αἰτίοις καὶ ὁιά τε MS 5 δὲ καὶ M ἡδέως] ἀδεῶς Cumont 6 αἱμοπότε Sa, om. M εἰ S] ἡ M ᾖ om. M 7 δικέργου S 8 nempe πρὸς τὸν Ἄρεα τ. σ. ἐχούσης ἐπέχοντος S 9 παντὸς θηρίου M 11 ὁ μὲν om. M 12 τοῦ Δ MSb] τούτων ΔSa 13 τοῦτο om. S 14 ἰσχυρώτερα S τῶν γ. τριγώνων MS 15 τετραγώνων M 16 ἀσχηματίστοις M 17 γὰρ S] δὲ M τὸν M] τὸ S 20 ἢ om. M συνοικοδεσποτεῖ S 21 σύστασις M 22 ἀστέρος M συνεργῶν αὐτὸ ἢ παρὰ συνεργῶν (αὐτὸ add. M) ἔχων ὁ. MS 23 ἀποθήσουσι MS τὴν δόξαν M δὲ (pro γὰρ) M 26 δεκάρχας M 28 καὶ alterum om. S 29—p. 79, 1 στρατευομένους S)