Cyranides

Κοχλίων θαλασσίων ὁ ζωμὸς καὶ ἀχάρνων καὶ φωκίδων καὶ ἀφυᾶς καὶ λεπάδων κοιλίαν σκληρὰν γενομένην μαλάσσει καὶ ἁπαλύνει.

KIRYKES marini circumligati nuper enixae mulieri mammarum dolores et tumores sedant.

Cinis autem eorum cum melle conspersus lenticulas et tumores in vultu sanat et nascentia [lire pascentia, sc. νεμόμενα?] curat.

Cocta vero conchylia et kirykia et comesa prosunt iis qui cicutam vel aconitum biberunt.

Et eorum jus percoctum valde prodest his qui nociva farinata (forte l. pharmaca) biberunt.

Ungulae vero earum combustae nervos tortos curant.

Testae autem eorum combustae solutaeque cum melle tumores genarum et nascentia [lire pascentia?] sanant.

Cum aqua vero soluta minutias ossium educunt et carnem recentem nasci faciunt.

Caro vero trita cum albo ovi superposita fronti rheumata hemicraniae curat.

KOCHLIAS, i. limax terrestris, contritus et superemplastratus frontis dolorem et rheuma oculorum sistit, et scrophulas destruit, circumlotus et aurium plagas et rupturas sanat.

Nudus autem limax cum manna, i. pyrograno libani solutus et nari immissus, ex ea [lire eo?] sanguinis eruptionem sistit, et matricis sinum clausum aperit.

Nudae vero cochleae, postquam sol ascendit medio inter cornua absciso calamo acutissimo, exime quod os habet, involutum byssino panno habe ad omnimodam ophthalmiam. Praegustatio omnis ophthalmiae et faucium gulae, et tussis et cephalalgiae, et quotquot circa caput cervicemque passiones contingunt, non sinit fieri: verum etiamsi sunt, curat circumligatum.

Spuma vero cochlearum revellit pilos palpebrarum.

Ipse vero cum testis comminutus [lire commixtus?], cum vino et myrrha et dactylis potatus colicos sanat.

Cinis vero ceroto superpositus sedem prolapsam sanat.