Περὶ ὀρθογραφίας
Aelius Herodianus
Aelius Herodianus, Περὶ ὀρθογραφίας, Grammatici Graeci 3.2, Lentz, Teubner, 1868
ἱέρεια: διὰ τοῦ ῑ ἡ ἄρχουϲα κατὰ παράδοϲιν καὶ ἡ παραλήγουϲα διὰ τῆϲ ει διφθόγγου· τὰ γὰρ ἀπὸ τῶν εἰϲ ευϲ διὰ τοῦ εια παραϲχηματιζόμενα θηλυκὰ διὰ τῆϲ ει διφθόγγου γράφεται οἷον βαϲιλεύϲ βαϲίλεια, ἱερεύϲ ἱέρεια· οἱ δὲ Ἀθηναῖοι τοῦ ἱερεία ἐκτείνοντεϲ τὸ α καὶ καταβιβάζουϲι τὸν τόνον καὶ φυλάττουϲι τὴν αὐτὴν γραφὴν οἷον ἱερεία.