Περὶ ὀρθογραφίας

νείφω τὸ χιονίζω διὰ τῆϲ ει διφθόγγου. ἔϲτι γὰρ νέφοϲ καὶ ἐξ αὐτοῦ γίνεται νόφοϲ καὶ πλεοναϲμῷ τοῦ γ γνόφοϲ. ἐκ τούτου οὖν τοῦ νέφοϲ γίνεται νέφω καὶ πλεοναϲμῷ τοῦ ῑ νείφω. τὸ δὲ νήφω ἐπὶ τοῦ φρονῶ, ἐξ οὗ καὶ νηφαλέοϲ, διὰ τοῦ η γράφεται. Ἀπολλώνιοϲ δὲ ὁ Ἀρχιβίου τοῦτο κατὰ τροπὴν γεγενῆϲθαι λέγει ἀπὸ τοῦ νείφω τὸ χιονίζω κατὰ τροπὴν τῆϲ ει διφόγγου εἰϲ η. τοὺϲ γὰρ λειποψυχοῦνταϲ πολλάκιϲ ὕδατοϲ ῥανίϲι νήφειν ποιοῦμεν.