De animalium incessu

19 Περὶ δὲ τῶν ὀστρακοδέρμων ἀπορήσειεν ἄν τις τίς ἡ κίνησις, καὶ εἰ μὴ ἔχουσι δεξιὸν καὶ ἀριστερόν, πόθεν κινοῦνται· φαίνονται δὲ κινούμενα. ἢ ὥσπερ ἀνάπηρον δεῖ τιθέναι πᾶν τὸ τοιοῦτον γένος, καὶ κινεῖσθαι ὁμοίως οἷον εἴ τις ἀποκόψειε τῶν ὑποπόδων τὰ σκέλη, ὥσπερ ἡ φώκη καὶ ἡ νυκτερίς· καὶ γὰρ ταῦτα τετράποδα, κακῶς δʼ ἐστί. τὰ [*](11 ἔχειν om S UZ εἶναι P 14 σύννευσιν SUZ 16 τοῖς ποσί: τοὺς πόδας YZ1 εἰς τ. π. P 18 παχεῖς PSU Y fortasse παχεῖς καὶ πλατεῖς legendum est 20 τὸ τὰ et ἔχειν S 714 b 4 εἰσι: δύο Y Z 5 ἐν τοῖς ὑπτίοις om Y Z: οἱ πόδες ἔν τε τοῖς ὑπτίοις καὶ ἐγγύς, τοῖς δὲ τὰ πτερύγια ἐγγὺς τῶν πρανῶν YZ 6 πτερύγια: om πτερυγίων 7 ἔχουσιν om Z 10 κινούμενοι UZ 13 δʼ om Z)

δʼ ὀστρακόδερμα κινεῖται μέν, κινεῖται δὲ παρὰ φύσιν· οὐ γάρ ἐστι κινητικά, ἀλλʼ ὡς μὲν μόνιμα καὶ προσπεφυκότα κινητικά, ὡς δὲ πορευτικὰ μόνιμα. ἔχουσι δὲ φαύλως καὶ οἱ καρκίνοι τὰ δεξιά, ἐπεὶ ἔχουσί γε. δηλοῖ δʼ ἡ χηλή· μείζων γὰρ καὶ ἰσχυροτέρα ἡ δεξιά, ὡς βουλομένων διωρίσθαι τῶν ἀριστερῶν καὶ τῶν δεξιῶν.

Τὰ μὲν οὖν περὶ τῶν μορίων, τῶν τʼ ἄλλων αὐτῶν καὶ τῶν περὶ τὴν πορείαν τῶν ζῴων καὶ περὶ πᾶσαν τὴν κατὰ τόπον μεταβολήν, τοῦτον ἔχει τὸν τρόπον· τούτων δὲ διωρισμένων ἐχόμενόν ἐστι θεωρῆσαι περὶ ψυχῆς.

[*](14 μὲν παρὰ φύσιν δέ Y 15 πεφυκότα SUZ, Mc bis 17 γε om SU 19 δεξιῶν καὶ τῶν ἀριστερῶν PY 20 αὐτῶν PSU Mc: om YZ 23 ζωῆς in marg Z2)