Prometheus Bound

Aeschylus

Aeschyli Tragoediae. Sidgwick, Arthur, editor. Oxford: Clarendon Press, 1902.

  1. καίτοι τί φημι; πάντα προυξεπίσταμαι
  2. σκεθρῶς τὰ μέλλοντ᾽, οὐδέ μοι ποταίνιον
  3. πῆμ᾽ οὐδὲν ἥξει. τὴν πεπρωμένην δὲ χρὴ
  4. αἶσαν φέρειν ὡς ῥᾷστα, γιγνώσκονθ᾽ ὅτι
  5. τὸ τῆς ἀνάγκης ἔστ᾽ ἀδήριτον σθένος.
  6. ἀλλ᾽ οὔτε σιγᾶν οὔτε μὴ σιγᾶν τύχας
  7. οἷόν τέ μοι τάσδ᾽ ἐστί. θνητοῖς γὰρ γέρα
  8. πορὼν ἀνάγκαις ταῖσδ᾽ ἐνέζευγμαι τάλας:
  9. ναρθηκοπλήρωτον δὲ θηρῶμαι πυρὸς
  10. πηγὴν κλοπαίαν, ἣ διδάσκαλος τέχνης
  11. πάσης βροτοῖς πέφηνε καὶ μέγας πόρος.
  12. τοιῶνδε[*](τοιῶνδε recc.: τοιάσδε M) ποινὰς ἀμπλακημάτων τίνω
  13. ὑπαιθρίοις[*](ὑπαιθρίοις Blomfield: ὑπαίθριος codd.) δεσμοῖς πεπασσαλευμένος.[*](δεσμοῖς πεπασσαλευμένος C. G. Haupt: δεσμοῖσι πασσαλευμένος M recc. aliquot: δεσμοῖσι πασσαλευτός recc. plerique)
Προμηθεύς
  1. ἆ ἆ [ἔα ἔα].[*](ἔα ἔα seclusit Dindorf)
  2. τίς ἀχώ, τίς ὀδμὰ προσέπτα μ᾽ ἀφεγγής,
  3. θεόσυτος,[*](θεόσυτος rec.: θεόσυτος codd. cett.) ἢ βρότειος, ἢ κεκραμένη;
  4. ἵκετο τερμόνιον ἐπὶ πάγον
  5. πόνων ἐμῶν[*](ἐμῶν recc.: ἡμῶν M) θεωρός, ἢ τί δὴ θέλων;
  6. ὁρᾶτε δεσμώτην με δύσποτμον θεόν,
  7. τὸν Διὸς ἐχθρόν, τὸν πᾶσι θεοῖς