Wealth

Aristophanes

Aristophanes. Aristophanis Comoediae, Vol. 2. Hall, F. W. and Geldart, William M., editors. Oxford: Clarendon Press, 1907.

  1. οἴμοι κακοδαίμων, ὡς ἀπόλωλα δείλαιος,
  2. καὶ κακοδαίμων καὶ τετράκις καὶ πεντάκις
  3. καὶ δωδεκάκις καὶ μυριάκις· ἰοὺ ἰού.
  4. οὕτω πολυφόρῳ συγκέκραμαι δαίμονι.
Καρίων
  1. Ἄπολλον ἀποτρόπαιε καὶ θεοὶ φίλοι,
  2. τί ποτʼ ἐστὶν ὅ τι πέπονθεν ἅνθρωπος κακόν;
Συκοφάντης
  1. οὐ γὰρ σχέτλια πέπονθα νυνὶ πράγματα,
  2. ἀπολωλεκὼς ἅπαντα τἀκ τῆς οἰκίας
  3. διὰ τὸν θεὸν τοῦτον, τὸν ἐσόμενον τυφλὸν
  4. πάλιν αὖθις, ἤνπερ μὴ ʼλλίπωσιν αἱ δίκαι;
Δίκαιος
  1. ἐγὼ σχεδὸν τὸ πρᾶγμα γιγνώσκειν δοκῶ.
  2. προσέρχεται γάρ τις κακῶς πράττων ἀνήρ,
  3. ἔοικε δʼ εἶναι τοῦ πονηροῦ κόμματος.
Καρίων
  1. νὴ Δία καλῶς τοίνυν ποιῶν ἀπόλλυται.
Συκοφάντης
  1. ποῦ ποῦ ʼσθʼ ὁ μόνος ἅπαντας ἡμᾶς πλουσίους
  2. ὑποσχόμενος οὗτος ποιήσειν εὐθέως,
  3. εἰ πάλιν ἀναβλέψειεν ἐξ ἀρχῆς; ὁ δὲ
  4. πολὺ μᾶλλον ἐνίους ἐστὶν ἐξολωλεκώς.
Καρίων
  1. καὶ τίνα δέδρακε δῆτα τοῦτʼ;
Συκοφάντης
  1. ἐμὲ τουτονί.