Thesmophoriazusae

Aristophanes

Aristophanes. Aristophanis Comoediae, Vol. 2. Hall, F. W. and Geldart, William M., editors. Oxford: Clarendon Press, 1907.

  1. μὴ ψεῦσον ὦ Ζεῦ τῆς ἐπιούσης ἐλπίδος.
Εὐριπίδης
  1. τίς τῶνδʼ ἐρυμνῶν δωμάτων ἔχει κράτος,
  2. ὅστις ξένους δέξαιτο ποντίῳ σάλῳ
  3. κάμνοντας ἐν χειμῶνι καὶ ναυαγίαις;
Μνησίλοχος
  1. Πρωτέως τάδʼ ἐστὶ μέλαθρα.
Εὐριπίδης
  1. ποίου Πρωτέως;
Γυνὴ Γ
  1. ὦ τρισκακόδαιμον, ψεύδεται νὴ τὼ θεώ,
  2. ἐπεὶ τέθνηκε Πρωτέας ἔτη δέκα.
Εὐριπίδης
  1. ποίαν δὲ χώραν εἰσεκέλσαμεν σκάφει;
Μνησίλοχος
  1. Αἴγυπτον.
Εὐριπίδης
  1. ὦ δύστηνος οἷ πεπλώκαμεν.
Γυνὴ Γ
  1. πείθει τι τούτῳ τῷ κακῶς ἀπολουμένῳ
  2. ληροῦντι λῆρον; Θεσμοφορεῖον τουτογί.
Εὐριπίδης
  1. αὐτὸς δὲ Πρωτεὺς ἔνδον ἔστʼ ἢ ʼξώπιος;
Γυνὴ Γ
  1. οὐκ ἔσθʼ ὅπως οὐ ναυτιᾷς ἔτʼ ὦ ξένε,
  2. ὅστις γʼ ἀκούσας ὅτι τέθνηκε Πρωτέας
  3. ἔπειτʼ ἐρωτᾷς ἔνδον ἔστʼ ἢ ʼξώπιος;
Εὐριπίδης
  1. αἰαῖ τέθνηκε. ποῦ δʼ ἐτυμβεύθη τάφῳ;
Μνησίλοχος
  1. τόδʼ ἐστὶν αὐτοῦ σῆμʼ, ἐφʼ ᾧ καθήμεθα.
Γυνὴ Γ
  1. κακῶς τʼ ἄρʼ ἐξόλοιο κἀξολεῖ γέ τοι,