Thesmophoriazusae

Aristophanes

Aristophanes. Aristophanis Comoediae, Vol. 2. Hall, F. W. and Geldart, William M., editors. Oxford: Clarendon Press, 1907.

  1. ἵνα μὴ ʼπακούσῃς ὢν ἀνήρ. σὺ δʼ εἰπέ μοι
  2. ὅ τι πρῶτον ἡμῖν τῶν ἱερῶν ἐδείκνυτο.
Μνησίλοχος
  1. φέρʼ ἴδω, τί μέντοι πρῶτον ἦν; ἐπίνομεν.
Γυνὴ Α
  1. τί δὲ μετὰ τοῦτο δεύτερον;
Μνησίλοχος
  1. προὐπίνομεν.
Γυνὴ Α
  1. ταυτὶ μὲν ἤκουσάς τινος· τί δαὶ τρίτον;
Μνησίλοχος
  1. σκάφιον Ξένυλλʼ ᾔτησεν· οὐ γὰρ ἦν ἀμίς.
Γυνὴ Α
  1. οὐδὲν λέγεις. δεῦρʼ ἐλθὲ δεῦρʼ ὦ Κλείσθενες·
  2. ὅδʼ ἐστὶν ἁνὴρ ὃν λέγεις.
Κλεισθένης
  1. τί οὖν ποιῶ;
Γυνὴ Α
  1. ἀπόδυσον αὐτόν· οὐδὲν ὑγιὲς γὰρ λέγει.
Μνησίλοχος
  1. κἄπειτʼ ἀποδύσετʼ ἐννέα παίδων μητέρα;
Κλεισθένης
  1. χάλα ταχέως τὸ στρόφιον ὦναίσχυντε σύ.
Γυνὴ Α
  1. ὡς καὶ στιβαρά τις φαίνεται καὶ καρτερά·
  2. καὶ νὴ Δία τιτθούς γʼ ὥσπερ ἡμεῖς οὐκ ἔχει.
Μνησίλοχος
  1. στερίφη γάρ εἰμι κοὐκ ἐκύησα πώποτε.
Γυνὴ Α
  1. νῦν· τότε δὲ μήτηρ ἦσθα παίδων ἐννέα.
Κλεισθένης
  1. ἀνίστασʼ ὀρθός. ποῖ τὸ πέος ὠθεῖς κάτω;
Γυνὴ Α
  1. τοδὶ διέκυψε καὶ μάλʼ εὔχρων ὦ τάλαν.
Κλεισθένης
  1. καὶ ποῦ ʼστιν;