Birds

Aristophanes

Aristophanes. Aristophanis Comoediae, Vol. 1. Hall, F. W. and Geldart, William M., editors. Oxford: Clarendon Press, 1906.

  1. οἴμοι τάλας οἷόν σε περισοφίζεται.
  2. δεῦρʼ ὡς ἔμʼ ἀποχώρησον, ἵνα τί σοι φράσω.
  3. διαβάλλεταί σʼ ὁ θεῖος ὦ πόνηρε σύ.
  4. τῶν γὰρ πατρῴων οὐδʼ ἀκαρῆ μέτεστί σοι
  5. κατὰ τοὺς νόμους· νόθος γὰρ εἶ κοὐ γνήσιος.
Ἡρακλῆς
  1. ἐγὼ νόθος; τί λέγεις;
Πισθέταιρος
  1. σὺ μέντοι νὴ Δία
  2. ὤν γε ξένης γυναικός. ἢ πῶς ἄν ποτε
  3. ἐπίκληρον εἶναι τὴν Ἀθηναίαν δοκεῖς,
  4. οὖσαν θυγατέρʼ, ὄντων ἀδελφῶν γυησίων;
Ἡρακλῆς
  1. τί δʼ ἢν ὁ πατὴρ ἐμοὶ διδῷ τὰ χρήματα
  2. νοθεἶ ἀποθνῄσκων;
Πισθέταιρος
  1. ὁ νόμος αὐτὸν οὐκ ἐᾷ.
  2. οὗτος ὁ Ποσειδῶν πρῶτος, ὃς ἐπαίρει σε νῦν,
  3. ἀνθέξεταί σου τῶν πατρῴων χρημάτων
  4. φάσκων ἀδελφὸς αὐτὸς εἶναι γνήσιος.
  5. ἐρῶ δὲ δὴ καὶ τὸν Σόλωνός σοι νόμον·
  6. νόθῳ δὲ μὴ εἶναι ἀγχιστείαν παίδων ὄντων
  7. γνησίων. ἐὰν δὲ παῖδες μὴ ὦσι γνήσιοι, τοῖς
  8. ἐγγυτάτω γένους μετεῖναι τῶν χρημάτων.