Birds
Aristophanes
Aristophanes. Aristophanis Comoediae, Vol. 1. Hall, F. W. and Geldart, William M., editors. Oxford: Clarendon Press, 1906.
- καὶ μύρτα καὶ μήκωνα καὶ σισύμβρια.
- ὑμεῖς μὲν ἆρα ζῆτε νυμφίων βίον.
- φεῦ φεῦ·
- ἦ μέγʼ ἐνορῶ βούλευμʼ ἐν ὀρνίθων γένει,
- καὶ δύναμιν ἣ γένοιτʼ ἄν, εἰ πίθοισθέ μοι.
- τί σοι πιθώμεσθʼ;
- ὅ τι πίθησθε; πρῶτα μὲν
- μὴ περιπέτεσθε πανταχῇ κεχηνότες·
- ὡς τοῦτʼ ἄτιμον τοὔργον ἐστίν. αὐτίκα
- ἐκεῖ παρʼ ἡμῖν τοὺς πετομένους ἢν ἔρῃ,
- τίς ὄρνις οὗτος; ὁ Τελέας ἐρεῖ ταδί·
- ἅνθρωπος ὄρνις ἀστάθμητος πετόμενος,
- ἀτέκμαρτος, οὐδὲν οὐδέποτʼ ἐν ταὐτῷ μένων.
- νὴ τὸν Διόνυσον εὖ γε μωμᾷ ταυταγί.
- τί ἂν οὖν ποιοῖμεν;
- οἰκίσατε μίαν πόλιν.
- ποίαν δʼ ἂν οἰκίσαιμεν ὄρνιθες πόλιν;
- ἄληθες; ὦ σκαιότατον εἰρηκὼς ἔπος,
- βλέψον κάτω.
- καὶ δὴ βλέπω.