Birds
Aristophanes
Aristophanes. Aristophanis Comoediae, Vol. 1. Hall, F. W. and Geldart, William M., editors. Oxford: Clarendon Press, 1906.
- εἷς Πορφυρίων αὐτῷ παρέσχε πράγματα.
- σὺ δʼ εἴ με λυπήσεις τι, τῆς διακόνου
- πρώτης ἀνατείνας τὼ σκέλει διαμηριῶ
- τὴν Ἶριν αὐτήν, ὥστε θαυμάζειν ὅπως
- οὕτω γέρων ὢν στύομαι τριέμβολον.
- διαρραγείης ὦ μέλʼ αὐτοῖς ῥήμασιν.
- οὐκ ἀποσοβήσεις; οὐ ταχέως; εὐρὰξ πατάξ.
- ἦ μήν σε παύσει τῆς ὕβρεως οὑμὸς πατήρ.
- οἴμοι τάλας. οὔκουν ἑτέρωσε πετομένη
- καταιθαλώσεις τῶν νεωτέρων τινά;
- ἀποκεκλῄκαμεν διογενεῖς θεοὺς
- μηκέτι τὴν ἐμὴν διαπερᾶν πόλιν,
- μηδέ γέ τινʼ ἱερόθυτον ἀνὰ δάπεδον ἔτι
- τῇδε βροτῶν θεοῖσι πέμπειν καπνόν.
- δεινόν γε τὸν κήρυκα τὸν παρὰ τοὺς βροτοὺς
- οἰχόμενον, εἰ μηδέποτε νοστήσει πάλιν.
- ὦ Πισθέταιρʼ ὦ μακάριʼ ὦ σοφώτατε,
- ὦ κλεινότατʼ ὦ σοφώτατʼ ὦ γλαφυρώτατε,
- ὦ τρισμακάριʼ ὦ κατακέλευσον.
- τί σὺ λέγεις;