Wasps

Aristophanes

Aristophanes. Aristophanis Comoediae, Vol. 1. Hall, F. W. and Geldart, William M., editors. Oxford: Clarendon Press, 1906.

  1. οὕτω δὲ καὶ σὺ παράτρεχʼ ἐς τὰ Πιττάλου.
Βδελυκλέων
  1. οὕμοιά σου καὶ ταῦτα τοῖς ἄλλοις τρόποις.
Κατήγορος
  1. ἀλλʼ οὖν σὺ μέμνησʼ αὐτὸς ἁπεκρίνατο.
Φιλοκλέων
  1. ἄκουε, μὴ φεῦγʼ. ἐν Συβάρει γυνή ποτε
  2. κατέαξʼ ἐχῖνον.
Κατήγορος
  1. ταῦτʼ ἐγὼ μαρτύρομαι.
Φιλοκλέων
  1. οὑχῖνος οὖν ἔχων τινʼ ἐπεμαρτύρατο·
  2. εἶθʼ ἡ Συβαρῖτις εἶπεν, εἰ ναὶ τὰν κόραν
  3. τὴν μαρτυρίαν ταύτην ἐάσας ἐν τάχει
  4. ἐπίδεσμον ἐπρίω, νοῦν ἂν εἶχες πλείονα.
Κατήγορος
  1. ὕβριζʼ ἕως ἂν τὴν δίκην ἅρχων καλῇ.
Βδελυκλέων
  1. οὔτοι μὰ τὴν Δήμητρʼ ἔτʼ ἐνταυθοῖ μενεῖς,
  2. ἀλλʼ ἀράμενος οἴσω σε —
Φιλοκλέων
  1. τί ποιεῖς;
Βδελυκλέων
  1. ὅ τι ποιῶ;
  2. εἴσω φέρω σʼ ἐντεῦθεν· εἰ δὲ μή, τάχα
  3. κλητῆρες ἐπιλείψουσι τοὺς καλουμένους.
Φιλοκλέων
  1. Αἴσωπον οἱ Δελφοί ποτʼ —
Βδελυκλέων
  1. ὀλίγον μοι μέλει.
Φιλοκλέων
  1. φιάλην ἐπῃτιῶντο κλέψαι τοῦ θεοῦ·