Clouds

Aristophanes

Aristophanes. Aristophanis Comoediae, Vol. 1. Hall, F. W. and Geldart, William M., editors. Oxford: Clarendon Press, 1906.

  1. ἀντιλεγόντοιν κρίνας φοιτᾷ.
Δίκαιος Λόγος
  1. δρᾶν ταῦτʼ ἐθέλω.
Ἄδικος Λόγος
  1. κἄγωγʼ ἐθέλω.
Χορός
  1. φέρε δὴ πότερος λέξει πρότερος;
Ἄδικος Λόγος
  1. τούτῳ δώσω·
  2. κᾆτʼ ἐκ τούτων ὧν ἂν λέξῃ
  3. ῥηματίοισιν καινοῖς αὐτὸν
  4. καὶ διανοίαις κατατοξεύσω.
  5. τὸ τελευταῖον δʼ, ἢν ἀναγρύζῃ,
  6. τὸ πρόσωπον ἅπαν καὶ τὠφθαλμὼ
  7. κεντούμενος ὥσπερ ὑπʼ ἀνθρηνῶν
  8. ὑπὸ τῶν γνωμῶν ἀπολεῖται.
Χορός
  1. νῦν δείξετον τὼ πισύνω τοῖς περιδεξίοισι
  2. λόγοισι καὶ φροντίσι καὶ γνωμοτύποις μερίμναις,
  3. ὁπότερος αὐτοῖν λέγων ἀμείνων φανήσεται.
  4. νῦν γὰρ ἅπας ἐνθάδε κίνδυνος ἀνεῖται σοφίας,
  5. ἧς πέρι τοῖς ἐμοῖς φίλοις ἐστὶν ἀγὼν μέγιστος.
Χορός
  1. ἀλλʼ ὦ πολλοῖς τοὺς πρεσβυτέρους ἤθεσι χρηστοῖς στεφανώσας,
  2. ῥῆξον φωνὴν ᾗτινι χαίρεις, καὶ τὴν σαυτοῦ φύσιν εἰπέ.
Δίκαιος Λόγος
  1. λέξω τοίνυν τὴν ἀρχαίαν παιδείαν ὡς διέκειτο,