Ion

Euripides

Euripides. Euripidis Fabulae, Vol. II. Murray, Gilbert, editor. Oxford: Clarendon Press, 1913. (Reprinted 1921-1962)

  1. Ἴων, ἰόντι δῆθεν ὅτι συνήντετο.
Χορός
  1. οἴμοι, κακούργους ἄνδρας ὡς αἰεὶ στυγῶ,
  2. οἳ συντιθέντες τἄδικʼ εἶτα μηχαναῖς
  3. κοσμοῦσι. φαῦλον χρηστὸν ἂν λαβεῖν φίλον
  4. θέλοιμι μᾶλλον ἢ κακὸν σοφώτερον.
Πρεσβύτης
  1. καὶ τῶνδʼ ἁπάντων ἔσχατον πείσῃ κακόν·
  2. ἀμήτορʼ, ἀναρίθμητον, ἐκ δούλης τινὸς
  3. γυναικός, ἐς σὸν δῶμα δεσπότην ἄγειν.
  4. ἁπλοῦν ἂν ἦν γὰρ τὸ κακόν, εἰ παρʼ εὐγενοῦς
  5. μητρός, πιθών σε, σὴν λέγων ἀπαιδίαν,
  6. ἐσῴκισʼ οἴκους· εἰ δὲ σοὶ τόδʼ ἦν πικρόν,
  7. τῶν Αἰόλου νιν χρῆν ὀρεχθῆναι γάμων.
  8. ἐκ τῶνδε δεῖ σε δὴ γυναικεῖόν τι δρᾶν·
  9. ἢ γὰρ ξίφος λαβοῦσαν ἢ δόλῳ τινὶ
  10. ἢ φαρμάκοισι σὸν κατακτεῖναι πόσιν
  11. καὶ παῖδα, πρὶν σοὶ θάνατον ἐκ κείνων μολεῖν.
  12. εἰ γάρ γʼ ὑφήσεις τοῦδʼ, ἀπαλλάξῃ βίου.
  13. δυοῖν γὰρ ἐχθροῖν εἰς ἓν ἐλθόντοιν στέγος,
  14. ἢ θάτερον δεῖ δυστυχεῖν ἢ θάτερον.
  15. ἐγὼ μὲν οὖν σοι καὶ συνεκπονεῖν θέλω,