Cyclops
Euripides
Euripides. Euripidis Fabulae, Vol. I. Murray, Gilbert, editor. Oxford: Clarendon Press, 1902.
- ἰδού.
- τί δῆτα τὸν κρατῆρ’ ὄπισθέ μου τίθης;
- ὡς μὴ παριών τις καταβάλῃ.
- πίνειν μὲν οὖν
- κλέπτων σὺ βούλῃ· κάτθες αὐτὸν ἐς μέσον.
- σὺ δ’, ὦ ξέν’, εἰπὲ τοὔνομ’ ὅ τι σε χρὴ καλεῖν.
- Οὖτιν· χάριν δὲ τίνα λαβών σ’ ἐπαινέσω;
- πάντων σ’ ἑταίρων ὕστερον θοινάσομαι.
- καλόν γε τὸ γέρας τῷ ξένῳ δίδως, Κύκλωψ.
- οὗτος, τί δρᾷς; τὸν οἶνον ἐκπίνεις λάθρᾳ;
- οὔκ, ἀλλ’ ἔμ’ οὗτος ἔκυσεν, ὅτι καλὸν βλέπω.
- κλαύσῃ, φιλῶν τὸν οἶνον οὐ φιλοῦντά σε.
- ναὶ μὰ Δί’, ἐπεί μού φησ’ ἐρᾶν ὄντος καλοῦ.
- ἔγχει, πλέων δὲ τὸν σκύφον. δίδου μόνον.
- πῶς οὖν κέκραται; φέρε διασκεψώμεθα.
- ἀπολεῖς· δὸς οὕτως.
- ναὶ μὰ Δί’ οὐ πρὶν ἄν γέ σε
- στέφανον ἴδω λαβόντα γεύσωμαί τ’ ἔτι . . .
- ὦ οἰνοχόος ἄδικος.
- οὐ μὰ Δί’, ἀλλ’ ὦ οἶνος γλυκύς.