Εἰδύλλια
Theocritus
Theocritus. The Idylls of Theocritus. Cholmeley, Roger James, editor. London: George Bell and Sons, Ltd.,1901-1919.
- φᾶ, καὶ ἐρωήσας ἐλεφάντινον ᾤχετο δίφρον
- Τειρεσίας πολλοῖσι βαρύς περ ἐὼν ἐνιαυτοῖς.
- Ἡρακλέης δʼ ὑπὸ ματρὶ νέον φυτὸν ὣς ἐν ἀλωᾷ
- ἐτρέφετʼ Ἀργείου κεκλημένος Ἀμφιτρύωνος.
- γράμματα μὲν τὸν παῖδα γέρων Λίνος ἐξεδίδαξεν,
- υἱὸς Ἀπόλλωνος μελεδωνεὺς ἄγρυπνος ἥρως,
- τόξον δʼ ἐντανύσαι καὶ ἐπίσκοπον εἶναι ὀϊστῶν
- Εὔρυτος ἐκ πατέρων μεγάλαις ἀφνειὸς ἀρούραις.
- αὐτὰρ ἀοιδὸν ἔθηκε καὶ ἄμφω χεῖρας ἔπλασσε
- πυξίνᾳ ἐν φόρμιγγι Φιλαμμονίδας εὔμολπος.
- ὅσσα δʼ ἀπὸ σκελέων ἑδροστρόφοι Ἀργόθεν ἄνδρες
- ἀλλάλους σφάλλοντι παλαίσμασιν, ὅσσά τε πύκται
- δεινοὶ ἐν ἱμάντεσσιν, ἅ τʼ ἐς γαῖαν προπεσόντες
- πάμμαχοι ἐξεύροντο σοφίσματα σύμφορα τέχνᾳ,
- πάντʼ ἔμαθʼ Ἑρμείαο διδασκόμενος παρὰ παιδὶ
- Ἁρπαλύκῳ Φανοτῆι, τὸν οὐδʼ ἂν τηλόθι λεύσσων
- θαρσαλέως τις ἔμεινεν ἀεθλεύοντʼ ἐν ἀγῶνι·
- τοῖον ἐπισκύνιον βλοσυρῷ ἐπέκειτο προσώπῳ.
- ἵππους δʼ ἐξελάσασθαι ὑφʼ ἅρματι, καὶ περὶ νύσσαν
- ἀσφαλέως κάμπτοντα τροχῷ σύριγγα φυλάξαι,
155