History of the Peloponnesian War

Insequente autem hieme propter magnam calamitatem ab Atbenicnsibus in Sicilia acceptam protinus universi Graeci animis erecti erant, illi quidem, qui neutrorum erant socii, quod, etiam si nemo eos advocaret, a bello nequaquam amplius abstinendum esse, sed ultro adversus Athenienses eundum censerent, rati pro se quique, etiam adversos se venturos fuisse illos, si rem in Sicilia feliciter gessissent, et simul reliquum bellum breve futurum, cujus socios fuisse gloriosum esse; qui vero Lacedaemoniorum erant socii, quod conjuncto studio longe magis, quam ante, multis aerumnis celeriter liberari cuperent.

Praecipue vero Atheniensium imperio subjecti parati erant vel supra vires ab iis deficere, quod animi impetu de rebus judicarent, et ne hoc quidem , iis in ratione subducenda relinquerent, flori posse, ut proxima

Lacedaemoniorum vero civitas, quum propter haec omnia fiduciam concipiebat, tum vero praecipue, quod Siculi socii jam necessario cum magnis copiis, classis accessione facta, ineunte statim vere, ut erat verisimile, sibi praesto futuri essent.

Itaque, quum undique bonam spem haberent, abjecta omni cunctatione bellum capessere statuebant, reputantes secum, si hoc bellum felicem exitum habuisset, scin posterum et hujusmodi periculis liberatos fore, cujusmodi fuisset et illud, quod sibi ab Atheniensibus creatum fuisset, si res Siculas in suam potestatem redegissent; et illis eversis futurum, ut ipsi totius Graeciae imperium tuto jam obtinerent.