History of the Peloponnesian War

Gylippus autem et Pythen, postquam naves refecerunt, Tarento ad Locros Epizephyrios navigarunt; et quum jam certius comperirent, Syracusas nondum undique circumvallatas esse, sed adhuc licere cum exercitu venientibus per Epipolas introire, consultabant, utrum a dextro Siciliae latere navigantes introitum periclitarentur, an vero sinistrum latus sequentes Himeram primum peterent, et ipsis Himeraeis aliisque copiis assumptis, si quos inducere possent , itinere terrestri proficiscerentur.

Et placuit iis Himeram proficisci, praesertim quod quatuor Atticae naves nondum Rhegium appulerant, quas Nicias tamen miserat* quum eos apud Locros esse intellexisset. Sed illi custodiam prae vertentes per fretum trajiciunt, et quum Rhegium ac Messanam appulissent, Himeram perveniunt.

Quum autem illic essent, Himeraeis persuaserunt, ut una secum bellum gererent et non ipsi solum se sequerentur, sed etiam suorum navium nautis arma, quibus deerant, praeberent (naves enim Himerae subduxerant), et Selinuntios missis nuntiis ad certum quemdam locum cum omnibus copiis I obviam venire jubebant.

Nonnullas etiam copias noo magnas se missuros ad eos promiserunt et Geloi et Siculorum nonnulli, qui longe alacrius jam ad illorum societatem sequendam erant parati, quod et Archonides nuper decesserat , qui in ea Siciliae parte regnans et haud contemnenda potentia valens Atheniensibus amicus erat, et quod Gylippus Lacedsemone alacri animo adesse videbatur.

Atque Gylippus quidem assumptis e suorum nautarum et epibatarum numero iis, quos armaverat, ad septingentos, et Himereorum tam gravis quam levis armatur» ex utrisque promisce ad mille, et equitibus centum, et Sclinuntioruro nonnullis levi armatura et equitibus, et Geloorum paucis, Siculorumque omnino mille militibus, Syracusas pergebat.