Alethia

Victor, Claudius Marius

Victor, Claudius Marius. Saint. Poetae Christiani Minores, Pars I (Corpus scriptorum ecclesiasticorum latinorum, Volume 16, Part 1). Petschenig, Michael, editor; Ellis, Robinson, editor; Brandes, Wilhelm, editor; Schenkl, Karl, editor. Vienna, Leipzig, Prague: Tempsky, Freytag, 1888.

  1. Hactenus arcanam seriem, primordia mundi,
  2. ut sincera fides patuit, sine fraude cucurri,
  3. dum dignis leto uitiis terrena carerent.
  4. nunc hominum mores et iam mortalia uersu
  5. ingressum fas sit ueris miscere poetam.
  6. postquam sacratis decedere iussus uterque
  7. sedibus ac regnis genitalia contigit arua
  8. et propria stetit exul humo, miserabile, quali
  9. ore rudes stupeant tum barbara rura coloni,
  10. quae non frugifero distincta stipite uernant.
  11. nec species iuuat ulla soli, sed bruta coacto
  12. pondere congeries nec lecta mole locata est.
  13. ardua caute rigent, siluis depressa laborant,
  14. plana latent herbis, horrescunt edita dumis.
  15. heu quibus haec spectant oculis, quo pectore cernunt,
  16. quorum animis paradisus inest! neque causa doloris
    17. [*]( 14] Uerg. Aen. VIII, 348 horrida dumis. )[*]( 547 possit G Posset CLAUDII MAEII UICTORIS EXPLICIT. TRICI (i. e. feliciter) ALITIAS LIBER PRIMUS, )[*]( CL. MARII UICTORIS AAH0EIAE LIB. II M mg. sup. VI3 2 ut G Et 3 laeto 6 decedere G decidere (re s. u.) 9 rudis (e supra i w3) tum ego tam 10 Quae (ras. supra a) 12 Pondere (P m2 in ras.) congeries (u m2; u? m1) locata est ego locarat 15 cernunt (nunt m7 in ras., nit? ml) 16 paradysus (i supra y m3) . )
    385
  17. una subest, quod cunctorum iam plena malorum
  18. se pandit facies, sed, quod meminere bonorum.
  19. nunc honor ille sacri nemoris maiore sereno
  20. inradiat, nunc diuitias cumulatior edit