Dialogi

Ceterum de familiaritatibus uirginum et monachorum adque etiam clericorum quam uera, quam fortia disputauit! unde a quibusdam, quos nominare nolo, dicitur non amari.

nam sicut Belgicus noster irascitur, edacitatis nimiae nos notatos, ita illi fremere dicuntur, cum in illo opusculo scriptum legunt: caelibem spernit uirgo germanum, fratrem quaerit extraneum.

Ad haec ego, nimium, inquam, Galle, progrederis: caue ne et te aliquis, qui haec agnoscat, exaudiat teque una cum Hieronymo incipiat non amare. nam quia scolasticus es, non inmerito [*]( 22 Hieron. ep. 22 ad Eustochium c. 14. ) [*]( 1 est om. V in Ktura, in qua sit ante rasuram uidetur scriptum fuisse 3 cum per totum—conpertus est om. V 4 nimiumque om. B 6 nementissime F II belgicus noster interdom A 8 solere om. AFQ II ego] praemissum estin Vminio: et gallus II autem AV: autem inquam gallus \' FQ, ego autem Gallus coni. Gisel. II illi uero F 10 guela V 11 tum ego] postumianus V, sic minio 12 nquid A (pro ndquid) 14 exponeret add. in F s. I. m. 2; ipse malim exploderet II minus] add. in V s. I. eadem manu quam 16 fateor Lazius 18 ceterorum V 19 etiam om. B 21 premere V (mere in rasura) 24 ad haec ego] postumianus V 25 qui haec agnoscat, exaudiat scripsi: qui haec audit agnoscat et audiat V, qui haec fortassis agnoscat exaudiat AFv )

tua nobis potius, ut coeperas, Postumiane, repetatur orientalis oratio. Ego, inquit, ut dicere institueram, apud Hieronymum sex mensibus fui: cui iugis aduersum malos pugna perpetuumque certamen conciuit odia perditorum. oderunt eum haeretici, quia eos inpugnare non desinit, oderunt eum clerici, quia uitam eorum insectatur et crimina:

sed plane eum boni omnes admirantur et diligunt: nam qui eum haereticum esse arbitrantur, insani sunt. uere dixerim, catholica hominis scientia, sana doctrina: totus semper in lectione, totus in libris est: non die neque nocte requiescit: aut legit aliquid semper aut scribit. quod nisi mihi fuisset fixum animo et promissum Deo, ante propositam eremum adire, uel exiguum temporis punctum a tanto uiro discedere noluissem.

huic ergo traditis adque commissis omnibus meis omnique familia, quae me contra uoluntatem animi mei secuta tenebat inplicitum, exoneratus quodammodo graui fasce penitus ac liber, regressus ad Alexandriam, uisitatis ibi fratribus ad superiorem inde Thebaidem, id est ad Aegypti extrema contendi.

ibi enim uaste patentes eremi solitudines plurimum ferebantur habere monachorum. longum est, si omnia cupiam referre quae uidi: pauca perstringam.