Cathemerina
Prudentius
Prudentius, Volume 1. Thomson, H. J, editor. London; Cambridge, Mass.: William Heinemann Ltd., Harvard University Press, 1949 (printing).
- nominis ut sub honore tui has
- epulas liceat capere.
- te sine dulce nihil, Domine,
- nec iuvat ore quid adpetere,
- pocula ni prius atque cibos,
- Christe, tuus favor inbuerit,
- omnia sanctificante fide.
- fercula nostra Deum sapiant,
- Christus et influat in pateras;
- seria, ludicra, verba, iocos,
- denique quod sumus aut agimus,
- trina superne regat pietas.
- hic mihi nulla rosae spolia,
- nullus aromate fragrat 1 odor,
- sed liquor influit ambrosius
- nectareamque fidem reddet
- fusus ab usque Patris gremio.
- sperne, Camena, leves hederas,
- cingere tempora quis solita es,
- sertaque mystica dactylico