Cathemerina

Prudentius

Prudentius, Volume 1. Thomson, H. J, editor. London; Cambridge, Mass.: William Heinemann Ltd., Harvard University Press, 1949 (printing).

  1. haec stella, quae solis rotam
  2. vincit decore ac lumine,
  3. venisse terris nuntiat
  4. cum carne terrestri Deum.
  5. non illa servit noctibus
  6. secuta lunam menstruam,
  7. sed sola caelum possidens
  8. cursum dierum temperat.
  9. Arctoa quamvis sidera
  10. in se retortis motibus
  11. obire nolint, attamen
  12. plerumque sub nimbis latent.
  13. hoc sidus aeternum manet,
  14. haec stella nunquam mergitur,
  15. nec nubis occursu abdita
  16. obumbrat obductam facem.
  17. tristis cometa intercidat,
  18. et, si quod astrum Sirio
    19. p.104
  19. fervet vapore, iam Dei
  20. sub luce destructum cadat.