Cathemerina

Prudentius

Prudentius, Volume 1. Thomson, H. J, editor. London; Cambridge, Mass.: William Heinemann Ltd., Harvard University Press, 1949 (printing).

  1. haec dum sequuntur,
  2. perfidi praedonis in ius venerant,
  3. et mancipatam fumido
  4. vitam barathro inmerserant.
  5. stragem sed istam non tulit
    6. p.98
  6. Christus cadentum gentium,
  7. inpune ne forsan sui
  8. Patris periret fabrica,
  9. mortale corpus induit,
  10. ut excitato corpore
  11. mortis catenam frangeret,
  12. hominemque portaret Patri.
  13. hic ille natalis dies,
  14. quo te creator arduus
  15. spiravit et limo indidit,
  16. sermone carnem glutinans.
  17. sentisne, virgo nobilis,
  18. matura per fastidia
  19. pudoris intactum decus
  20. honore partus crescere?