Cathemerina

Prudentius

Prudentius, Volume 1. Thomson, H. J, editor. London; Cambridge, Mass.: William Heinemann Ltd., Harvard University Press, 1949 (printing).

  1. nos tecta fovebimus ossa
  2. violis et fronde frequenti,
  3. titulumque et frigida saxa
  4. liquido spargemus odore.
  1. Quid est quod artum circulum
  2. sol iam recurrens deserit?
  3. Christusne terris nascitur,
  4. qui lucis auget tramitem?
  5. heu quam fugacem gratiam
  6. festina volvebat dies!
  7. quam paene subductam facem
    8. p.96
  8. sensim recisa extinxerat!
  9. caelum nitescat laetius,
  10. gratetur et gaudens humus:
  11. scandit gradatim denuo
  12. iubar priores lineas.
  13. emerge, dulcis pusio,
  14. quem mater edit castitas,
  15. parens et expers coniugis,
  16. mediator et duplex genus.