Cathemerina

Prudentius

Prudentius, Volume 1. Thomson, H. J, editor. London; Cambridge, Mass.: William Heinemann Ltd., Harvard University Press, 1949 (printing).

  1. tu depositum tege corpus;
  2. non inmemor ille requiret
  3. sua munera fictor et auctor
  4. propriique aenigmata vultus.
  5. veniant modo tempora iusta,
  6. cum spem Deus inpleat omnem,
  7. reddas patefacta necesse est
  8. qualem tibi trado figuram.
  9. non, si cariosa vetustas
  10. dissolvent ossa favillis,
  11. fueritque cinisculus arens
  12. minimi mensura pugilli,
  13. nec, si vaga flamina et aurae
  14. vacuum per inane volantes
  15. tulerint cum pulvere nervos,
  16. hominem periisse licebit.
  17. sed dum resolubile corpus
    18. p.94
  18. revocas. Deus, atque reformas,
  19. quanam regione iubebis
  20. animam requiescere puram?