De Vita Sancti Martini

Paulinus Petricordiae

Paulinus Petricordiae. Poetae Christiani Minores, Pars I (Corpus scriptorum ecclesiasticorum latinorum, Volume 16, Part 1). Petschenig, Michael, editor; Ellis, Robinson, editor; Brandes, Wilhelm, editor; Schenkl, Karl, editor. Vienna, Leipzig, Prague: Tempsky, Freytag, 1888.

  1. obruerat luis una domum. tabentia passim
  2. corpora seminecum partes reiecta per omnes
  3. stipabant fessis horrentia limina membris.
  4. tristis ubique dolor, crebra et suspiria, fletus
  5. adsidui et toto penitus de pectoris antro
  6. extorti gemitus, conuellens ilia flatus
  7. et iugis uomitus, cutis arida, flamma medullis
  8. insita succendens stomachum, grauis unda uaporis.
  9. illa ad uicinum pallebant maesta cadauer
  10. corpora seminecum, cognata et funera tali
  11. maestior exemplo morientum turba pauebat.
  12. ast alii exanimes saltim contingere caros
  13. officio miseri nimium trepidante timebant,
  14. ne dispersa graues sererent contagia morbos.
  15. hos metus obsequio subtraxerat, at dolor illis
  16. uiscera multiplici praestruxerat anxia luctu.
  17. at qui postremis tumulassent membra sepulchris,
  18. dilati ad similem non longo tempore mortem
  19. portabant pariles ad limina tristia morbos.
  20. nil medicae ualuere manus, nil gramina, sucis