De Vita Sancti Martini

Paulinus Petricordiae

Paulinus Petricordiae. Poetae Christiani Minores, Pars I (Corpus scriptorum ecclesiasticorum latinorum, Volume 16, Part 1). Petschenig, Michael, editor; Ellis, Robinson, editor; Brandes, Wilhelm, editor; Schenkl, Karl, editor. Vienna, Leipzig, Prague: Tempsky, Freytag, 1888.

  1. et iacuit planus placidarum campus aquarum,
  2. leniter et laceram moderato flamine puppem
  3. optata inpellens zefyrus statione locauit.
  4. sic meritum famuli per cuncta elementa probauit
  5. et sancti titulos Christus distendit amici,
  6. glorificans clarum super inuia caerula nomen.
  7. Nec mirum est tam multa deo fautore probandam
  8. Martini potuisse fidem, si quando beatis
  9. peruigil excubiis tota uirtute precandi
  10. ad dominum praesens felicia uota tulisset,-
  11. si tantum ignari penitus longeque remoti
  12. gratia per solum meruit clarescere nomen.
  13. quamquam ad praecipuam contendens pagina laudem
  14. obstupefacta pedem retrahat uerbisque pauescat
  15. uilibus ad tantam uirtutum ascendere molem,
  16. quis non unum hominem sanctus, sed protinus omnem
  17. suffragio medicante domum sanasse probatur:
  18. testis adest clarae celsus uice praefecturae
  19. gratifico adsignans haec dona Lycontius ore,
    20. [*]( 774] cf. 556. 781] cf. II, 416. 786] cf. 674. 787-856] Sulp. Sev. Dial. III, 14, 3-6. 789 sq.] cf. I, 272. 798] cf. 195. et )[*]( 772 extremo R u. 772 ante 769 extat in P 773 nondum S uere R 775 cognite V 777 dei P 779 antestis PV (non R) 780 fluctu E1 flatu S 782 leniter.......... VI, 63 fulchra fauoris desunt in V et laceram S: et lacera R exlaceram Pv puppim S 783 zefirusRP X zephyrus S 786 cerula S 789 peruigel P- peruigiles cubiis R praecandi Bl 791 penitus R 794 pauiscat RP 795 uigilibus P 796 omne P 797 sanasse om. Rl 798 clare R 799 licontius R )
    136
  20. cuius multiplici late grassata ruina