Carmina
Paulinus of Nola, Saint
Paulinus of Nola. Sancti Pontii Meropii Paulini Carmina (Corpus Scriptorum Ecclesiasticorum Latinorum, Volume 30). Hartel, Wilhelm von, editor. Prague, Vienna, Leipzig: Tempsky, Freytag, 1894.
- strauere ueterem morte serpentem sua.
- io triumphe nobilis!
- salue, beata saeculi uictoria,
- parens beati temporis!
- salue, quod omnes caelici medii inferi
- nomen genu flexo audiunt!
- salue, unus unus unus in trino deus,
- salue una in uno trinitas!
- haec, lux Eoo cum leuata cardine
- iter diurnum suscipit,
- haec, cum occidente sol subit curru fretum, [*]( 32 felix (i. e. fllix) reorum scrapsi, felix errorum Barth post reorum interpunxi 53 faretra Barth 55 profetico Barth 61 seculis cod.; em. Barth )
- benedictio me consecrat.
- crucifixe uictor, expiator criminum,
- in morte uita praepotens,
- fac, cum supremo seuocabor tempore,
- ab obruto malis chao
- traducat ista me tibi benedictio,
- quod utile interim dato,
- neu se inquieta mentis excruciet mora,
- faetente uincta carcere.
350