Carmina
Paulinus of Nola, Saint
Paulinus of Nola. Sancti Pontii Meropii Paulini Carmina (Corpus Scriptorum Ecclesiasticorum Latinorum, Volume 30). Hartel, Wilhelm von, editor. Prague, Vienna, Leipzig: Tempsky, Freytag, 1894.
- inpolluta uiro coituque inmunis ab omni,
- uerbo feta dei; corpus tua uiscera praestent
- illi, qui caelum terras mare sidera fecit,
- qui semper fuit et nunc est et tempore in omni
- semper erit mundi dominus lucisque creator.
- et lux ipse poli per te mortalia membra
- induet atque oculos hominum coetusque subibit.
- inperturbatos tantarum in praemia laudum
- tolle animos, dabit ille tibi uiresque fidemque,
- qui uoluit (nam cuncta regit nutuque gubernat)
- filius esse tuus, domini cum filius esset.
- dixerat, et uisus pariter terrasque reliquit
- adsuetumque sibi facili petit aethera nisu. [*]( 103 exorabilis N1 104 qui Lugd., quae N 107 effeto (ae m. 2) N iuuenale Nx 109 multa N 110 iterq; N1 111 malge N 112 podorem N1 113 decora Nl 114 dimissa Nl 115 tiacxit N saffossa Nl 120 cuius (iu in ras.) N 122 uerba N1 feta (ae m. 2) N 128 caelu N1 129 tabit N1 132 reliquid JV\' )
- inplentur praecepta dei creditque puella
- protinus atque auget meritum uitamque priorem
- prompta fides. tacitis elementa latentia causis
- diuinum informant corpus sacrandaque crescit
- sarcina, caelestem dominum pia confouet aluus.
- interea grauidam soboles quamquam edita necdum
- instigat Mariam sanctam, ut progressa reuisat
12