Carmina

Paulinus of Nola, Saint

Paulinus of Nola. Sancti Pontii Meropii Paulini Carmina (Corpus Scriptorum Ecclesiasticorum Latinorum, Volume 30). Hartel, Wilhelm von, editor. Prague, Vienna, Leipzig: Tempsky, Freytag, 1894.

  1. clarus superbo Veriorum nomine
  2. et consulari Baebianus sanguine
  3. ipse est potentis larga Christi gratia.
  4. prius iste captus uinculis mortalibus
  5. opes et inter saeculi pauper deo
  6. uitam paratis blandientem copiis
  7. mortalitatis immemor cucurrerat.
  8. ut se subactum fine mortalem uidet,
  9. fesso benignum quaerit aspectu deum.
  10. statimque Christum luminatus inuenit;
  11. ueniam precatur et sacerdotum pedes
  12. supplex adorat ipse culpator sui
  13. negansque dignum gratia dignum facit.
  14. uouetque uitam, (si) supersit, integram
  15. et obire gaudet, si renatus oppetat.
  16. Credidit oranti et sitientem flumina (uitae)
  17. praecinctus puro perfudit episcopus amne.
  18. quo peragente pios solito mox ordine ritus .
  19. et diuale sacrum libans et chrismate fragrans
  20. attonitum mira se maiestate fatetur;