Carmina

Paulinus of Nola, Saint

Paulinus of Nola. Sancti Pontii Meropii Paulini Carmina (Corpus Scriptorum Ecclesiasticorum Latinorum, Volume 30). Hartel, Wilhelm von, editor. Prague, Vienna, Leipzig: Tempsky, Freytag, 1894.

  1. * * * * * * angelus anteuolans;
  2. ipse piam de nube manum deus exerit et te
  3. in caelum dextra sollicitante uocat.
  4. felix Apra, cui licuit terraque poloque
  5. coniugis unicubae iuge tenere bonum,
  6. quo terris tibi clarus honor, sub nomine eodem
  7. in caelis etiam gloria perpes erit!
    8. [*](115 fructum N (corr. Morel) 117 uiugnti N 118 praeoissit N (corr. m. 3) 119 ad N1 filuierat N1 120 aequeuos Brandes, aequeuas N 121 ore ex onere N m. 3 122 uiuimus N (corr. m. 3) 124 meritis Ns, meritus Morel; lacwnam indicauit Brandes 127 piam Brandes, pia N exerit Brandes, exeret N 128 solliotante N 132 caelos N (corr. m. 3) prepis N (corr. m. 3) )
    344
    CARMEN I.
  1. Age, iam precor, mearum
  2. comes inremota rerum,
  3. trepidam breuemque uitam
  4. domino deo dicemus.
  5. celeri uides rotatu
  6. rapidos dies meare
  7. fragilisque membra mundi
  8. minui perire labi.
  9. fluit omne quod tenemus
  10. neque fluxa habent recursum,
  11. cupidas uagasque mentes
  12. specie trahunt inani.
  13. ubi nunc imago rerum est?